ზლატან იბრაჰიმოვიჩმა მსოფლიო ჩემპიონატზე, ეკვადორი-გერმანიის მატჩის შემდეგ, Fox Sports-ის პირდაპირ ეთერში წამყვან რებეკა ლოუს უცნაური ხუმრობით მიმართა.
სებასტიან ბეკასესეს გუნდმა გერმანია 2:1 დაამარცხა და პლეი-ოფის საგზური მოიპოვა, რასაც ზლატანი ასე გამოეხმაურა:
„მატჩამდეც ვამბობდი: გამოიყენე ერთი მომენტი და იღბალი გაგიღიმებს. ორი მომენტი კი უკვე სასწაულია. დღეს მათ იღბალიც მიიღეს და სასწაულიც.
მაგრამ ეს არ ნიშნავს, რომ ცუდად ითამაშეს. პირიქით, საოცრად იასპარეზეს. როცა მოედანზე მხოლოდ მოსაგებად გადიხარ, ფეხბურთი სულ სხვაგვარი ხდება. მეტს რისკავ, უფრო ხშირად მიდიხარ წინ და უტევ. სწორედ ამიტომ გაიმარჯვეს.
მაგრამ შენთან ერთი კითხვა მაქვს, რებეკა... შენც იმავე თმის კონდიციონერს იყენებ, რასაც ეკვადორის მწვრთნელი? ის უბრალოდ ბრწყინვალედ გამოიყურება. განსაკუთრებით კი ამ გამარჯვების შემდეგ“, - განაცხადა იბრაჰიმოვიჩმა.
