სელტა ვიგომ და მანჩესტერ იუნაიტედმა ალთაი ბაიინდირის ტრანსფერზე შეთანხმებას მიაღწიეს.
ფაბრიციო რომანოს ინფორმაციით, თურქი მეკარე სელტა ვიგოს ერთწლიანი იჯარით შეუერთდება, ხოლო ესპანურ კლუბს მისი 4 მილიონ ევროდ გამოსყიდვის უფლება ექნება.
თანხა შესაძლოა ფეხბურთელის ჩატარებული მატჩების რაოდენობის მიხედვით შეიცვალოს.
მანჩესტერ იუნაიტედმა ბაიინდირს უკვე მისცა ნებართვა, გაემგზავროს სამედიცინო შემოწმებისა და კონტრაქტის გასაფორმებლად.
ინგლისურ კლუბში მეკარეების ცვლილებები ამით არ სრულდება. რადეკ ვიტეკი მიდლსბროს მუდმივი ტრანსფერით შეუერთდება.
ფეხბურთელმა უკვე მიიღო სამედიცინო შემოწმების გავლის ნებართვა. ტრანსფერის საწყისი ღირებულება 7 მილიონი ფუნტია, ხოლო ბონუსების ჩათვლით პაკეტმა შესაძლოა 14 მილიონ ფუნტს მიაღწიოს.
ამასთან, მანჩესტერ იუნაიტედი მომავალში ფეხბურთელის შესაძლო გაყიდვიდან 35%-იან წილს შეინარჩუნებს და ასევე დაიტოვებს მისი უკან გამოსყიდვის უფლებას.
