ინგლისელმა შემტევმა, მარკუს რაშფორდმა ბარსელონა ოფიციალურად დატოვა.
ფეხბურთელმა კატალონიურ კლუბს სოციალური ქსელის საშუალებით დაემშვიდობა და გულშემატკივრებს მხარდაჭერისთვის მადლობა გადაუხადა.
გასულ სეზონში რაშფორდმა ჰანსი ფლიკის გუნდში 49 მატჩი ჩაატარა, სადაც 14 გოლი გაიტანა და 14 საგოლე გადაცემა შეასრულა. მიუხედავად შთამბეჭდავი სტატისტიკისა, ბარსელონამ 30-მილიონიანი გამოსასყიდი ვარიანტი არ გამოიყენა და მის ნაცვლად ნიუკასლიდან ენტონი გორდონი დაიმატა.
28 წლის ვარსკვლავი ახლა მშობლიურ მანჩესტერ იუნაიტედს უბრუნდება, რომელთანაც კონტრაქტი 2028 წლამდე აკავშირებს. ჯერჯერობით უცნობია, ითამაშებს თუ არა ის მაიკლ კერიკის გუნდში, რადგან ინგლისელის დამატებით ფენერბაჰჩე და ტოტენჰემი აქტიურად არიან დაინტერესებულნი.
