ტრანსფერი, რომელიც პრაქტიკულად გადაწყვეტილი ჩანდა, ბოლო წამს ჩაიშალა.
კლუბ ბრიუგეს თავდამსხმელის, ნიკოლო ტრესოლდის რომაში გადასვლა გაუქმდა, რამაც დორტმუნდის ბორუსიას მისი დამატების იმედი დაუბრუნა.
გავრცელებული ინფორმაციით, 21 წლის ფეხბურთელი იტალიურ კლუბთან უკვე შეთანხმებული იყო, თუმცა ბელგიელებმა რომას 35-მილიონიანი შეთავაზება დაბლოკეს და მოლაპარაკებები შეწყდა. ეს ფაქტი დორტმუნდისთვის იდეალური სიახლე აღმოჩნდა, რადგან გერმანელები ფორვარდს დიდი ხანია აკვირდებიან. ტრანსფერის განხორციელება ახლა სერუ გირასის მომავალზეა დამოკიდებული. თუ გამოცდილი თავდამსხმელი გუნდს დატოვებს, ტრესოლდისთვის გზა გაიხსნება.
გერმანულ კლუბს სერიოზული კონკურენცია ელის, რადგან ახალგაზრდა ტალანტის სიტუაციას მანჩესტერ იუნაიტედი და მადრიდის ატლეტიკოც სწავლობენ.
ტრესოლდიმ, რომელსაც კონტრაქტი 2029 წლამდე აკავშირებს, გასულ სეზონში 58 მატჩში 23 გოლი და 9 საგოლე გადაცემა მიითვალა.
