მარკუს რაშფორდი შესაძლოა იტალიაში გადავიდეს.
La Gazzetta dello Sport-ის ინფორმაციით, ინგლისელი ფორვარდი შესაძლოა რომას ნახევარმცველის, მანუ კონეს ტრანსფერში ჩართონ, რომლითაც წითელი ეშმაკები ინტერესდებიან.
მთავარ პრობლემას ინგლისელის ხელფასი წარმოადგენს, რომელიც წელიწადში სუფთად დაახლოებით 11 მილიონ ევროს შეადგენს.
ამ გაცვლის განხორციელების შემთხვევაში, მანკუნიანელებს ამ თანხის მნიშვნელოვანი ნაწილის დაფარვა თავად მოუწევთ, რაც ნაკლებად სავარაუდოა.
მანჩესტერ იუნაიტედი კონეს შეძენის ფავორიტად ითვლება, თუმცა ამ ეტაპზე არ აწყობს ის თანხა, რომელსაც რომა საფრანგეთის ნაკრების ნახევარმცველის სანაცვლოდ ითხოვს.
