სიმეონე: „როცა 5:4 სრულდება, ყველა ამბობს, რომ დიდებული მატჩია, მე კი ვამბობ - ხუთი გოლი გაგვიტანეს“

ატლეტიკოს მთავარმა მწვრთნელმა, დიეგო სიმეონემ, პსჟ-სა და ბაიერნს შორის გამართულ ჩემპიონთა ლიგის ნახევარფინალურ მატჩზე (5:4) საკუთარი მოსაზრება გამოთქვა.

„როდესაც მატჩი ანგარიშით 5:4 მთავრდება, ყველა ამბობს: „რა დიდებული მატჩია!..."

მე კი ვამბობ: „მათ ხუთი გოლი გაგვიტანეს“.

არ ვიცი, რამდენად წარმატებული იყო ეს თამაში მწვრთნელებისთვის, მაგრამ ტელევიზორში ის, რა თქმა უნდა, დიდებულად გამოიყურებოდა“, – განაცხადა დიეგო სიმეონემ.

საპასუხო მატჩი მიუნხენში ბაიერნსა და პსჟ-ს შორის 6 მაისს გაიმართება.