პსჟ-ს მთავარმა მწვრთნელმა, ლუის ენრიკემ, ბაიერნთან ჩემპიონთა ლიგის პირველი ნახევარფინალური შეხვედრის (5:4) შესახებ გამოთქმულ ნეგატიურ მოსაზრებებს უპასუხა.
„როგორც ცხოვრებაში, ყველას აქვს თავისი აზრი. არ ვფიქრობ, რომ აუცილებელია ყველა აზრის პატივისცემა, რადგან თუ ის ნაგავია, მაშინ მისი პატივისცემა საჭირო არ არის.
არიან ადამიანები, რომლებსაც მოსწონთ ასეთი ფეხბურთი, ისინი უმრავლესობაში არიან. მეც ერთ-ერთი მათგანი ვარ.
მაგრამ ზოგს არ მოეწონა ასეთი ფეხბურთი. ვფიქრობ, რომ უმრავლესობას მაინც მოეწონა მატჩი - და ეს არის ყველაზე მთავარი“, - განაცხადა ლუის ენრიკემ.
პარიზში გამართული მატჩი პსჟ-მ ბაიერნს 5:4 მოუგო, საპასუხო შეხვედრა მიუნხენში 6 მაისს გაიმართება.
