მანჩესტერ სიტიმ მადრიდის რეალის ნახევარმცველის, ფედერიკო ვალვერდეს შესაძლო ტრანსფერის თაობაზე ინფორმაციის მოძიება დაიწყო.
ინგლისური კლუბი რეალში არსებულ გაურკვეველ სიტუაციას აკვირდება, თუმცა ოფიციალური შეთავაზება ჯერ არ გაუკეთებია. მადრიდული მხარე აცხადებს, რომ მოთამაშე არ იყიდება, თუმცა იმ შემთხვევაში, თუ ვინმე 100 მილიონ ევროს გადაიხდის და თავად ფეხბურთელიც წასვლას მოითხოვს, კლუბი მოლაპარაკებებზე თანახმა იქნება.
ვალვერდესთვის გასული წელი რთული გამოდგა, როგორც კლუბში არსებული შიდა კონფლიქტების, ისე მსოფლიო ჩემპიონატზე ურუგვაის ნაკრების წარუმატებელი გამოსვლის გამო.
აღსანიშნავია, რომ მან გუნდელთან, ორელიენ ჩუამენისთან მომხდარი ფიზიკური დაპირისპირების შემდეგ ტრავმაც მიიღო. მიუხედავად ამ ყველაფრისა, რეალის ახალი მთავარი მწვრთნელი, ჟოზე მოურინიო, ვალვერდეს დიდ ნდობას უცხადებს და მას გუნდის კაპიტნად განიხილავს.
მანჩესტერ სიტის ეს დაინტერესება მას შემდეგ გაჩნდა, რაც რეალმა ინგლისელებს ედუარდო კამავინგა შესთავაზა, რაზეც სიტიმ პასუხად ვალვერდეს თაობაზე გამოთქვა ინტერესი.
