სლოტი: "ისაკი არ არის ერთადერთი, რომელსაც მომენტები არ ეძლევა"

ლივერპულის მთავარმა მწვრთნელმა, არნე სლოტმა ალექსანდერ ისაკზე ისაუბრა.

„ის ერთადერთი ცხრიანი არაა, რომელსაც ბევრი მომენტი არ ეძლევა. ლიდსი-სიტის მეორე ტაიმსა და ჩელსისთან მთლიან მატჩს ვუყურე და ამ დონეზე ისე არ არის, რომ ცხრიანს თითოეულ თამაშში ბევრი შანსი ჰქონდეს, მაგრამ ნათელია, რომ გვინდა უფრო სახიფათო სიტუაციებში მოვახვედროთ ის.

ბოლო დროს ბევრი საგოლე მომენტის შექმნა ვერ მოვახერხეთ, რადგან ნაკლებად შემტევად ვთამაშობთ და ეს არის იმ საკითხებში, რისი გაუმჯობესებაც ჩემს სიაში წერია, ცხრიანი უფრო მეტად უნდა ჩავრთოთ თამაშში.

იდეალური არაა საშუალოდ 14 შეხება თამაშში. ნიუკასლში მას 22 ჰქონდა, ასე რომ თავდამსხმელებს ბევრი შეხება არ აქვთ. გამიკვირდება ჰალანდს რომ 100 შეხება ჰქონდეს თამაშში.

უნდა დავრწმუნდეთ, რომ ის ბურთს ისეთ მომენტებში შეეხება, როცა ამას მნიშვნელობა ექნება.“ - განაცხადა ნიდერლანდელმა სპეციალისტმა.

ალექსანდერ ისაკს ლივერპულის შემადგენლობაში პრემიერ ლიგის 7 მატჩში 1 გოლი და 1 საგოლე გადაცემა აქვს.