არნე სლოტი ლივერპულის გულშემატკივრების სტვენას გამოეხმაურა, რომელიც ენფილდის ტრიბუნებიდან ბარნლისთან ფრის შემდეგ (1:1) გაისმა.
„ეს სტვენად არ მიმიღია, ამას უფრო იმედგაცრუებას დავარქმევდი. თუ ლივერპულში შინ ბარნლისთან ფრით არ ხარ იმედგაცრუებული, მაშინ რაღაც რიგზე არ არის.
VIDEO: ზედიზედ მე-4 ფრე — ლივერპულმა ჩემპიონატის აუთსაიდერს ვერ მოუგო
სრულად მესმის ეს იმედგაცრუება. მე და ფეხბურთელებს ზუსტად იგივე განცდები გვაქვს, რაც გულშემატკივრებს.
ვეთანხმები, ეს მატჩი უნდა მოგვეგო. შექმნილი მომენტების რაოდენობაზე მეტს ვერც მოვითხოვდი.
არ ვიცი ზუსტად რამდენი შანსი გვქონდა, მაგრამ მხოლოდ ერთი გოლის გატანა მოვახერხეთ“, — განაცხადა ლივერპულის მთავარმა მწვრთნელმა.
