სნეიდერი: "ოქროს ბურთის ახლანდელი კრიტერიუმები ბევრად სამართლიანია, ვიდრე ჩემს დროს იყო"

უესლი სნეიდერის აზრით, ოქროს ბურთის თანამედროვე კრიტერიუმები უფრო სამართლიანია.

- თქვენ 2010 წელს მხოლოდ ოქროს ბურთი დაგაკლდათ. არადა, ბევრის, აზრით, მათ შორის ესპანეთშიც, ამ ჯილდოს სწორედ თქვენ იმსახურებდით...

„ახლა ოქროს ბურთს სხვა კრიტერიუმები აქვს. მთელ სეზონს ითვალისწინებენ. ჩემს დროს საკითხავი მხოლოდ ის იყო, ვინ არი სმსოფლიოს საუკეთესო ფეხბურთელი და კრიშტიანუ რონალდუსთვის და ლეო მესისთვის ამ ჯილდოს მოგება ჩვეულებრივი ამბავი იყო.

დღეს ბევრად უფრო ფასობს სეზონი, მიღწევები და ჩემი აზრით, ეს უფრო სამართლიანიცაა. ასე სხვადასხვა ფეხბურთელებს მისი მიღების მეტი შანსი ექნებათ." - აღნიშნა ნიდერლანდელმა ექს-ფეხბურთელმა.

2010 წელს სნეიდერმა ინტერთან ერთად სამივე საკლუბო ტიტული მოიგო, ნაკრებთან ერთად კი მუნდიალის ფინალში გავიდა, თუმცა ოქროს ბურთის სამეულში ვერ მოხვდა.