სწრაფი ჭადრაკი - ლევან ფანცულაია ევროპის ვიცე-ჩემპიონი გახდა

კოსოვოს დედაქალაქ პრიშტინაში გამართულ ევროპის ჩემპიონატზე, ლევან ფანცულაიამ ვერცხლის მედალი მოიგო.

ტურნირი სწრაფ ჭადრაკში, შვეიცარიული სისტემით, 11 ტურად ჩატარდა და მასში 38 ქვეყნის 374 მოჭადრაკე მონაწილეობდა.

ლევანმა ასპარეზობა მარცხის გარეშე დაასრულა (7 მოგება და 4 ყაიმი), 9 ქულა მოაგროვა და ევროპის ვიცე-ჩემპიონის სტატუსი დაიმსახურა. ვერცხლის მედლის გარდა, ფანცულაია 27 სარეიგინგო ქულასაც მიიღებს.

მასთან ერთად, ტურნირში ბაადურ ჯობავა და ლუკა პაიჭაძეც მონაწილეობდნენ - ჯობავამ გამოსვლა 8.5 ქულით დაასრულა, ხოლო პაიჭაძემ 7.5 ქულას მოუყარა თავი.