კილიან მბაპესა და ჟურნალისტს შორის პრესკონფერენციაზე მცირე სიტყვიერი დაპირისპირება მოხდა, როდესაც ჟურნალისტმა უსმან დემბელე და რაფინია ახსენა.
ჟურნალისტი: „ფიქრობთ, რომ ვინისიუსთან ერთად დაცვით ფაზაში თამაში უნდა გააუმჯობესოთ?“
მბაპე: „მხოლოდ მე და ვინისიუსმა?“
ჟურნალისტი: „მთლიანმა გუნდმაც, მაგრამ, მაგალითად, არიან ისეთი ფეხბურთელები, როგორებიც დემბელე და რაფინია არიან, რომლებიც სხვებზე მეტად აპრესინგებენ.“
მბაპე: „რა თქმა უნდა, დაცვით ფაზაში თამაში უნდა გავაუმჯობესოთ და ეს ბუნებრივია.
სულელური პასუხის გაცემა რომ მინდოდეს, გეტყოდით, რომ იმ ორ ფეხბურთელზე, რომლებიც ახსენეთ, მეტი გოლი გამაქვს, ამიტომ მათ უფრო მეტი უნდა გაიტანონ, რომ ჩემს დონეზე იყვნენ. ყველა განსხვავებულია.
მაგრამ ჭკვიანი ვარ, ამიტომ გეტყვით, რომ გაუმჯობესება მჭირდება. თუმცა საკუთარი თავის სხვებთან შედარება არ მიყვარს, რადგან ბევრ ისეთ რამეს ვაკეთებ, რასაც სხვები არ აკეთებენ.
ეს დაუსრულებელი დებატია, მაგრამ დიახ, დაცვით ფაზაში მთელმა გუნდმა უნდა მოუმატოს, ბურთთან თამაშის დროს კი ასევე უფრო მაღალ დონეზე უნდა ავიდეთ.“
ჩემპიონთა ლიგის ახალ სეზონს მადრიდის რეალი ბერნაბეუზე გახსნის. ჟოზე მოურინიოს გუნდი 8 სექტემბერს ინტერს დაუპირისპირდება. მატჩი საქართველოს დროით 23:00 საათზე დაიწყება.
