"თითქოს ეს მატჩი არც ყოფილა“ — მარკუს ტურამმა მსოფლიო ჩემპიონატის ფინალი გაიხსენა

საფრანგეთის ნაკრების ფორვარდმა, მარკუს ტურამმა აღიარა, რომ არგენტინასთან 2022 წლის მსოფლიო ჩემპიონატის ფინალი მის მეხსიერებაში თითქმის არ არსებობს.

„მახსოვს, როგორ შევდიოდით სტადიონზე და ვხედავდით არგენტინელი ფანების იმ უზარმაზარ არმიას. ისეთი შეგრძნება გვქონდა, თითქოს თამაში არგენტინაში ტარდებოდა. ძალიან გვინდოდა მათ თვალწინ მოგება, მაგრამ ყველამ ვიცით, რაც მოხდა“, — იხსენებს ტურამი.

„ფინალი იმ ტურნირის ერთადერთი მატჩია, რომელიც საერთოდ არ მახსოვს. არ ვიცი, ეს მღელვარების ბრალია თუ იმის, როგორც დასრულდა ყველაფერი, მაგრამ ისეთი შეგრძნება მაქვს, თითქოს ეს თამაში არასოდეს ყოფილა“.

შეგახსენებთ, რომ თამაშის ძირითადი და დამატებითი დრო ფრედ 3:3 დასრულდა, გამარჯვება კი არგენტინას პენალტების სერიაში დარჩა, რომელიც ისტორიაში მესამედ გახდა მსოფლიო ჩემპიონი.

თავად ტურამი ამ მატჩში პირველი ტაიმის მიწურულს, ცვლილებაზე, ოლივიე ჟირუს ნაცვლად გამოჩნდა და მეორე გოლზე კილიან მბაპეს საგოლე პასი გაუკეთა.