ტოდ ბოელის ეპოქის ყველაზე კარგი და ყველაზე ცუდი ტრანსფერები ჩელსიში

გამოცემა Football.London-მა ტოდ ბოელის ხელმძღვანელობის პერიოდში ჩელსის განხორციელებული ტრანსფერები შეაფასა.

ამერიკელი ბიზნესმენის მოსვლის შემდეგ, ოთხი წლის განმავლობაში გუნდში 31 ფეხბურთელი მივიდა. ლონდონელებმა შემადგენლობის გადაწყობაში მილიარდ ფუნტზე მეტი დახარჯეს.

სიის სათავეში, როგორც ყველაზე ცუდი ტრანსფერი, მიხაილო მუდრიკი მოხვდა - უკრაინელში, გავრცელებული ინფორმაციით, 70+30 მილიონი ევრო გადაიხადეს. 2024 წლის ბოლოდან ამ ზაფხულამდე ვინგერი ანტიდოპინგური წესების დარღვევის გამო დისკვალიფიცირებული იყო.

ხუთ ყველაზე ცუდ შენაძენში ასევე მოხვდნენ პიერ-ემერიკ ობამეიანგი, დავიდ ფოფანა, კრისტოფერ ნკუნკუ და ჯიმი-ჯეი მორგანი.

საუკეთესო ტრანსფერად კი 40 მილიონ ფუნტად შეძენილი კოულ პალმერი დასახელდა. საუკეთესო ხუთეულში ასევე შევიდნენ მოისეს კაისედო, მარკ კუკურელია, ენცო ფერნანდესი და მალო გუსტო.

შეგახსენებთ, რომ 17 სექტემბრის ღამეს ჩელსიმ ოფიციალურად გამოაცხადა ცვლილებები მფლობელთა შემადგენლობაში. ტოდ ბოელიმ და მარკ უოლტერმა კლუბში თავიანთი წილები Clearlake Capital-ის სასარგებლოდ გაყიდეს.

ამრიგად, საინვესტიციო კომპანია Clearlake Capital-ი, რომელიც აქამდეც ფლობდა საკონტროლო პაკეტს, ლონდონური კლუბის ერთპიროვნული და სრული მმართველი ხდება.