ევროპულ ფეხბურთში სატრანსფერო ბაზარზე ინგლისური კლუბების აბსოლუტური დომინაცია გრძელდება.
გლობალურ რეიტინგში, რომელიც მიმდინარე ზაფხულს დახარჯულ თანხებს ასახავს, ყველაზე მფლანგველი 10 კლუბის სიაში 7 პრემიერლიგის წარმომადგენელია.
რეიტინგს სათავეში ლონდონის ჩელსი უდგას, რომელმაც ახალი ფეხბურთელების დასამატებლად უკვე 389 მილიონი ევრო დახარჯა. მეორე პოზიციას ტოტენჰემი იკავებს 267 მილიონით, ხოლო მესამე ადგილზე მადრიდის რეალი იმყოფება (225 მილიონი ევრო). ათეულში მოხვდნენ იტალიური გრანდებიც, თუმცა ბაზარზე მთავარ ამინდს მაინც ინგლისელები ქმნიან.
ყველაზე მფლანგველი კლუბების სრული ათეული ასე გამოიყურება:
10. მილანი — 107.4 მლნ
9. ბრაიტონი — 126.1 მლნ
8. იფსვიჩ თაუნი — 127.9 მლნ
7. იუვენტუსი — 137.2 მლნ
6. ნიუკასლი — 161.2 მლნ
5. არსენალი — 168 მლნ
4. მანჩესტერ სიტი — 175 მლნ
3. რეალი — 225 მლნ
2. ტოტენჰემი — 267 მლნ
1. ჩელსი — 389 მლნ ევრო
აღსანიშნავია, რომ სიაში ცვლილებები კვლავ მოსალოდნელია, რადგან ევროპაში სატრანსფერო ფანჯარა 1-ელ სექტემბრამდე ღიაა. მაგალითად, ბარსელონას დანახარჯები დაახლოებით 150 მილიონ ევრომდე გაიზრდება და კლუბი ათეულში შევა მას შემდეგ, რაც როდრის ტრანსფერი ოფიციალურად დადასტურდება.
