ისტორიაში პირველი შემთხვევა - ბარსელონას ახალი კაპიტანი ცნობილია

რაფინია ჰანსი ფლიკის ხელმძღვანელობით ბარსელონას ერთ-ერთი უმნიშვნელოვანესი ფეხბურთელის სტატუსს კიდევ უფრო იმყარებს.

გავრცელებული ცნობით, 29 წლის ბრაზილიელი, რომელიც კატალონიურ კლუბს 2022 წელს ლიდსიდან შეუერთდა, 2026/27 წლების სეზონისთვის ბარსელონას ახალ პირველ კაპიტნად დასახელდა.

ეს გადაწყვეტილება კლუბიდან ორი მნიშვნელოვანი ვეტერანის წასვლის შემდეგ მიიღეს: 34 წლის გერმანელი მეკარე მარკ-ანდრე ტერ შტეგენი იჯარით აიაქსში გადავიდა, ხოლო 27 წლის ურუგვაელი მცველი რონალდ არაუხო - იჯარით ლივერპულში.

მიუხედავად იმისა, რომ ბარსელონას მაისური არაერთ ლეგენდარულ ბრაზილიელს მოურგია, რაფინია კლუბის ისტორიაში პირველი ბრაზილიელი გახდა, რომელიც პირველი კაპიტნის როლს შეასრულებს.

გუნდის მეორე კაპიტანი ფრენკი დე იონგია. მიუხედავად იმისა, რომ ნიდერლანდელი ნახევარმცველი კლუბში რაფინიაზე დიდი ხანია თამაშობს, პირველი კაპიტნის სამკლავური მას არ ერგო, რაც ძირითადად განმეორებით ტრავმებს უკავშირდება, ჯანმრთელობის პრობლემების გამო დე იონგს ბარსას არაერთი მატჩის გამოტოვება მოუწია.

დანარჩენი 3 კაპიტანი აღნიშნული რიგითობით პედრი, გავი და ერიკ გარსია იქნებიან.

რაფინიას კაპიტნად დანიშვნა იმ პერიოდის შემდეგ მოხდა, რომლის განმავლობაშიც ბრაზილიელმა გუნდში ერთ-ერთი მთავარი ლიდერის სტატუსი დაიმკვიდრა. ამ დროისთვის მას ბარსელონასთან ერთად 7 ტიტული აქვს მოგებული - 3 ლა ლიგა, 3 ესპანეთის სუპერთასი და 1 ესპანეთის თასი.

გასულ წელს რაფინია პირველად მოხვდა ოქროს ბურთის ნომინანტთა შორის და საბოლოოდ მე-5 ადგილი დაიკავა.

მანამდე ბრაზილიელი ლა ლიგის სეზონის საუკეთესო ფეხბურთელად დაასახელეს, ჩემპიონთა ლიგაზე კი ტურნირის თანაბომბარდირი გახდა.