ილია თოფურია ამბობს, რომ ისლამ მახაჩევს ხაბიბ ნურმაგომედოვის თვალწინ დაასაბმითებს.
„ჩემი ძლიერი მხარე მიწაზე ბრძოლაა, მაგრამ ბოლო დროს მივხვდი, რომ ეს არ არის ის, რაც საზოგადოებას სურს ნახოს, თუმცა ისლამთან შესაძლოა სწორედ ეს იყოს ის, რაც ხალხს უნდა.
დომინაცია მასთან დგომში, მივაყენებ სამ–ოთხ დარტყმას ზუსტად იმ ადგილზე, სადაც უნდა მოვარტყა და შემდეგ ხაბიბის თვალწინ დავასაბმითებ..“
ილია თოფურია ამბობს, რომ ის არ არის ჯეკ დელა მადალენა და არც ის ოპონენტები, ვისაც ისლამი აქამდე შეხვედრია.
„ყველამ იცის, რომ ეს არის ბრძოლა, რომლის ნახვაც ყველას სურს, მაგრამ რაღაც მიზეზით მან არ მიიღო ეს გამოწვევა და მერე ზედმეტად ბევრს ლაპარაკობს.
ძალიან მარტივია ათასობით კილომეტრის დაშორებით ლაპარაკი და ჩემი კრიტიკა, მაგრამ როცა იმ ოქტაგონში ჩემ წინ დადგები, მაშინ მიხვდები, რომ მე არ ვარ ჯეკ დელა მადალენა, არ ვარ დენ ჰუკერი და არც ყველა ის მებრძოლი, ვისაც აქამდე შეხვედრიხარ. მე რაღაც სრულიად განსხვავებული ვარ და როცა ჩემს მარჯვენა ხელს დაგარტყამ, დაინახავ, რომ ძალიან, ძალიან დიდხანს დაგეძინება.“
