ტოტენჰემისა და ლიდსის ფრე (1:1) კიდევ ერთი ისეთი მატჩია, რომლის ბედიც VAR-ის გადაწყვეტილებებმა განსაზღვრა.
ამ შედეგმა პრემიერ ლიგაში გადარჩენისთვის ბრძოლა უკიდურესად დაძაბა, ტოტენჰემის ფორვარდი მათის ტელი კი საღამოს მთავარ ანტიგმირად იქცა.
რობერტო დე ძერბის გუნდი მატჩის დასაწყისიდანვე დომინირებდა, თუმცა რეალური მომენტების რეალიზება უჭირდა. 50-ე წუთზე მათის ტელმა ბრწყინვალე დარტყმით ანგარიში გახსნა და ჩანდა, რომ ტოტენჰემი გადარჩენისკენ დიდ ნაბიჯს გადადგამდა. 73-ე წუთზე ტელმა სულელური შეცდომა დაუშვა - მან საკუთარ საჯარიმოში ბურთის მაკრატელა დარტყმით მოგერიება სცადა, რა დროსაც მეტოქის მოთამაშეს, ეთან ამპადუს, თავში მოხვდა. მსაჯმა პენალტი დანიშნა, რომელიც დომინიკ კალვერტ-ლუინმა ზუსტად გამოიყენა.
მატჩის მიწურულს მოედანზე ტრავმის შემდეგ დაბრუნებული ჯეიმს მედისონი გამოჩნდა. ის საჯარიმოში წააქციეს, თუმცა VAR-მა ჩათვალა, რომ თამაშის წესის დარღვევას ადგილი არ ჰქონია. საბოლოოდ, ტოტენჰემმა მხოლოდ ერთი ქულა მოიპოვა, რაც იმას ნიშნავს, რომ ვესტ ჰემ იუნაიტედი მათ მხოლოდ 2 ქულით ჩამორჩება.
ლიდსმა ამ ფრეთი პრაქტიკულად გაინაღდა პრემიერ ლიგაში დარჩენა, ტოტენჰემს კი წინ ურთულესი მატჩები ელის ჩელსისთან და ტოტენჰემთან.
