ტოტენჰემს კოლო მუანის შეძენა სურს, სიტუაციას მანჩესტერი და ნიუკასლიც აკვირდებიან

რანდალ კოლო მუანი შესაძლოა პრემიერ ლიგაში გადავიდეს.

ჟურნალისტი სანტი აუნას ინფორმაციით, ფრანგი ფორვარდის ტრანსფერით ტოტენჰემია დაინტერესებული.

წინა სეზონი კოლო მუანიმ იჯარით იუვენტუსში გაატარა, რომელსაც მისი გამოსყიდვა სურს, თუმცა პსჟ-სთან მოლაპარაკებები ბოლო რამდენიმე კვირაა გაყინულია და მკვდარი წერტილიდან არ იძვრის.

სიტუაციას აქტიურად აკვირდებიან მანჩესტერ იუნაიტედი და ნიუკასლიც.

ფრანგი შემტევი პსჟ-ს გეგმებში არ შედის, პარიზელებს მისი გაყიდვა სურთ.

გასულ სეზონში კოლო მუანიმ იუვენტუსის მაისურით 22 მატჩში 10 გოლი და 3 საგოლე გადაცემა მიითვალა.