ბაიერნის პორტუგალიელი ნახევარმცველი ჟოაო პალინია კარიერას ტოტენჰემში გააგრძელებს.
ფაბრიციო რომანოს ინფორმაციით, კლუბებს შორის შეთანხმება შედგა.
ტოტენჰემი პალინიას იჯარით დაიმატებს და მისი გამოსყიდვა 30 მილიონ ევროდ შეეძლება.
ფეხბურთელის ხელფასს იჯარის განმავლობაში სრულად ტოტენჰემი დაფარავს.
უახლოეს პერიოდში პალინია ლონდონში გაფრინდება და სამედიცინო შემოწმების წარმატებით გავლის შემთხვევაში, კონტრაქტს ხელს ოფიციალურად მოაწერს.
პორტუგალიელი ბაიერნში ფულემიდან გასულ ზაფხულს გადავიდა, თუმცა მიუნხენური გუნდის სასტარტოში ადგილის დამკვიდრება ვერ მოახერხა.
