როგორც იქნა, საგა დასრულდა - ოსიმენი გალათასარაის ფეხბურთელი ოფიციალურად გახდა

ვიქტორ ოსიმენი გალათასარაის ფეხბურთელია.

თურქულმა კლუბმა ნიგერიელი ფორვარდის ტრანსფერი ოფიციალურად დაადასტურა.

გალათასარაი ნაპოლის ოსიმენის სანაცვლოდ 75 მილიონ ევროს გადაუხდის, თავად ფეხბურთელი კი სტამბოლურ კლუბთან 4-წლიან კონტრაქტს გააფორმებს.

წლიური ანაზღაურების სახით ოსიმენი გალასგან წლიურად 15 მილიონ ევროს და გარკვეულ ბონუსებს მიიღებს.

გასული სეზონი ოსიმენმა გალათასარაიში იჯარით გაატარა და გუნდის მაისურით ჩატარებულ 41 მატჩში 37 გოლი და 8 საგოლე გადაცემა მიითვალა.