მიუნხენის ბაიერნმა ნიუკასლის მოთამაშე ენტონი გორდონი ამ ზაფხულისთვის მარცხენა ფლანგის გასაძლიერებლად მთავარ სამიზნედ დაისახა.
გერმანიის ჩემპიონებს სურთ, თავიანთ მაღალ შემტევ ხაზს კიდევ ერთი ფლანგის ფეხბურთელი დაამატონ, ხოლო ვინსენ კომპანისთვის გორდონი ნომერ პირველი არჩევანია.
Sky Sports-ის ინფორმაციით, 25 წლის ფეხბურთელის უნარი, ითამაშოს შეტევის სხვადასხვა პოზიციაზე, ბაიერნს განსაკუთრებით იზიდავს. კლუბში მიაჩნიათ, რომ გორდონის ტრანსფერი შესაძლოა €60–70 მილიონად განხორციელდეს.
ნიუკასლი სავარაუდოდ ვერ მოხვდება ჩემპიონთა ლიგაზე და კლუბის არყოფნამ ევროპის ელიტურ ტურნირზე შესაძლოა ფეხბურთელების გაყიდვამდე მიიყვანოს. სანდრო ტონალი, ბრუნო გიმარაესი, ლუის ჰოლი და ტინო ლივრამენტო სხვა კლუბების ინტერესის საგნები არიან, ხოლო გორდონითაც წამყვანი კლუბები ინტერესდებიან.
ინგლისის ნაკრების ფეხბურთელს არსენალსა და „ლივერპულსაც“ უკავშირებენ. მიმდინარე სეზონში მან ყველა ტურნირზე ჯამში 17 გოლი გაიტანა.
ასე რომ, ბაიერნი პრემიერ ლიგიდან კიდევ ერთი ტრანსფერის განხორციელებით დაინტერესდა, მას შემდეგ რაც ბოლო წლებში ჰარი კეინის, მაიკლ ოლისესა და ლუის დიასის ტრანსფერებმა წარმატება მოუტანა.
