ბაიერნის ლეგენდა, არიენ რობენი, კლუბს რეალის ქამბექის შესახებ აფრთხილებს: „მათ გოლის გატანა არაფრისგან შეუძლიათ“
ჩემპიონთა ლიგის საპასუხო მატჩის წინ, არიენ რობენმა, რომელსაც ორივე გრანდში უთამაშია, მომავალ შეხვედრაზე ისაუბრა. ნიდერლანდელი მიიჩნევს, რომ მიუხედავად ბაიერნის მცირე უპირატესობისა (2:1), ბრძოლა ჯერ კიდევ წინ არის.
ეს მაინც რეალ მადრიდია. მათ წინააღმდეგ 90 ან 95 წუთის განმავლობაში მაქსიმალურად ფოკუსირებული უნდა იყო. მაშინაც კი, როცა გგონია, რომ ყველაფერს აკონტროლებ, მათ შეუძლიათ გოლი არაფრისგან გაიტანონ. მადრიდი საუკეთესო მაგალითია იმისა, რომ მატჩი ნაადრევად არასდროს სრულდება
ლეგენდარულმა ფეხბურთელმა ბაიერნს საკუთარი სათამაშო სტილის ერთგულებისკენ მოუწოდა:
ტაქტიკის შეცვლა საჭირო არ არის, ეს მთელი სეზონი მუშაობდა. მთავარია მოედანზე ვნებითა და რწმენით გახვიდეთ. თავდაჯერებულობა გვჭირდება და არა შიში
მიუხედავად რეალის ინდივიდუალური ტალანტებისა და სამეფო კლუბის დიდი ისტორიის მიმართ პატივისცემისა, რობენი ფავორიტად მაინც მიუნხენელებს მიიჩნევს:
ბაიერნი! იმიტომ, რომ გუნდი სტაბილურია და ამ მომენტში ყველაფერი საათივით მუშაობს. ისინი შეუჩერებელი ძალა არიან.
