ბულგარეთის ქალაქ ბურგასში მიმდინარე ტყვიის სროლის ევროპის ჩემპიონატზე, ქართულმა წყვილმა ბრინჯაოს მედალი მოიპოვა.
შერეულ წყვილთა ტურნირში, ახალგაზრდებს შორის, პნევმატური პისტოლეტის 10-მეტრიან დისტანციაზე სროლაში, მარიამ მარშავასა და გიორგი მუმლაძის დუეტმა მე-3 შედეგი აჩვენა და ბრინჯაოს მედალს დაეუფლა.
ბრინჯაოს მედლისთვის ბრძოლაში, ჩვენმა წყვილმა ესპანურ დუეტს 17:9 აჯობა.
14 თებერვალს, ტურნირის ინდივიდუალურ პირველობაზე მარიამ მარშავა და გიორგი მუმლაძე უკვე ცალ-ცალკე იასპარეზებენ.
