"გულშემატკივარს უნდა დავუბრუნოთ ის, რაც ბოლო წლებში გამოგვარჩევდა" - იაშვილი ერთა ლიგის ჯგუფზე

საქართველოს ნაკრები ერთა ლიგის 2026-27 წლების გათამაშების ჯგუფურ ეტაპზე უნგრეთის, უკრაინისა და ჩრდილოეთ ირლანდიის წინააღმდეგ ითამაშებს.

შემოდგომაზე დასაწყებ ტურნირზე ჩვენი გუნდის მიზნების შესახებ, სფფ-ის ვიცე-პრეზიდენტი, ალექსანდრე იაშვილი საუბრობს:

"გასულ წელს ჩვენი მიზანი ვერ შევასრულეთ და ერთა ლიგა კარგი შესაძლებლობაა, ვაჩვენოთ გულშემატკივარს, რომ ბევრად წარმატებულად შეგვიძლია თამაში.

რთული ჯგუფია, თუმცა გულშემატკივარს უნდა დავუბრუნოთ ის, რაც გამოგვარჩევდა ბოლო წლებში - გუნდური, ერთიანი თამაში და წარმატებისთვის ბრძოლა. ვფიქრობ, ეს კარგი შანსია იმის გამოსასწორებლად, რაც გასულ წელს ვერ შევასრულეთ", - განაცხადა იაშვილმა.

ლიგის ეტაპი, გახანგრძლივებული საერთაშორისო ფანჯრით, 2026 წლის 24 სექტემბრიდან დაიწყება და 6 ოქტომბრამდე გაგრძელდება - გუნდები 13-დღიან მონაკვეთში 4 მატჩს ჩაატარებენ, მეორე სანაკრებო პაუზა კი 12-17 ნოემბერს იქნება.

2026-27 წლების ერთა ლიგა ევრო 2028-ის საკვალიფიკაციო ეტაპთან იქნება დაკავშირებული. ერთა ლიგაზე მიღწეული შედეგების საფუძველზე, შესაბამის გუნდებს ევროპის ჩემპიონატის ფინალური ტურნირის პლეი-ოფებში მოხვედრისთვის დამატებითი შანსი მიეცემა.