ტრანსფერი - დინამომ რუმინეთის მოქმედი ჩემპიონისგან შემტევი გაიფორმა

დინამო თბილისმა ზაფხულის სატრანსფერო ფანჯრისას კიდევ ერთი ტრანსფერი დახურა.

კლუბის ოფიციალური განცხადების მიხედვით, მათ რიგებში კარიერას 30 წლის ფრანგი შემტევი, ლიეს ური გააგრძელებს.

"30 წლის შემტევი ნახევარმცველი ლილის აღზრდილია. სხვადასხვა დროს ფრანგულ, ნიდერლანდურ და უნგრულ გუნდებში გამოდიოდა - იცავდა ვალანსიენის, ბასტიას, როდას, ლანსის და ფეჰერვარის ღირსებას. ბოლოს, ანზორ მექვაბიშვილთან ერთად, რუმინულ კრაიოვაში ასპარეზობდა და ქვეყნის ჩემპიონის ტიტულიც მოიპოვა. კონტრაქტი 2027 წლის ბოლომდე გაფორმდა", - აღნიშნულია დინამოს განცხადებაში.

რუმინეთის სუპერლიგის 2025-26 წლების სეზონში ურიმ 16 მატჩში 3 საგოლე პასი შეასრულა. კარიერის საუკეთესო სეზონიც უნივერსიტატეა კრაიოვასთან ერთად ჰქონდა - 2023-24 წლების სეზონში 4 გოლი და 3 ასისტი ჩაიწერა აქტივში.

სააგენტო Transfermarkt-ის მიხედვით, ურის ამჟამინდელი ღირებულება 500 000 ევროა - ყველაზე ძვირი 2021 წლის იანვარში ღირდა, როცა 1.4 მლნ ევროდ აფასებდნენ.

დინამო თბილისი კონფერენს ლიგის მეორე საკვალიფიკაციო ეტაპის მატჩისთვის ემზადება - 23 ივლისს, მიხეილ მესხის სახელობის სტადიონზე, ლიეტუვურ ჟალგირის ვილნიუსს მასპინძლობენ.

VIDEO: ჟალგირისმა დინამოსთან მატჩამდე კონკურენტი დამაჯერებლად დაამარცხა