იბერია 1999-თან ჩემპიონთა ლიგის მე-2 საკვალიფიკაციო ეტაპის პირველი მატჩის წინ, სლოვან ბრატისლავას მთავარმა მწვრთნელმა, იაია ტურემ პრესკონფერენციაზე შეფასებები გააკეთა.
"იბერია ძალიან კარგი გუნდია და საინტერესო შეხვედრა გველის. მათ ფლორა დაამარცხეს, პატივს ვცემთ და ხვალ რთული თამაში იქნება, თუმცა შემდეგ კვირას ბრატისლავაში შევხვდებით.
ანდრია ბართიშვილი გამორჩეული ტალანტია, იბერია კი კარგი გუნდი. ვეცდებით, ხვალ კარგ შედეგს მივაღწიოთ.
კრისტიან მარტინესმა მსოფლიო ჩემპიონატზე ბოლო მატჩი 27 ივნისს ჩაატარა, თუმცა ჩვენთან ერთად შეკრება არ გაუვლია.
ოფიციალური დებიუტისთვის მზად ვარ, სასიამოვნო შეხვედრას ველოდები და იმედია, წარმატებული დებიუტი გამომივა", - აღნიშნა ტურემ.
იბერია 1999-ისა და სლოვან ბრატისლავას მატჩი 21 ივლისს, 20:00 საათიდან, მიხეილ მესხის სახელობის სტადიონზე გაიმართება. ბილეთების ფასი 10 ლარიდან იწყება და აქ იყიდება. პირდაპირი რეპორტაჟი Silk უნივერსალი-ზეა.
"ვეცდებით, მეტოქეს სიურპრიზები შევთავაზოთ" - ჯინჯოლავა სლოვანთან მატჩის წინ
