"ვეცდებით, მეტოქეს სიურპრიზები შევთავაზოთ" - ჯინჯოლავა სლოვანთან მატჩის წინ

სლოვან ბრატისლავასთან ჩემპიონთა ლიგის მე-2 საკვალიფიკაციო ეტაპის პირველი მატჩის წინ, იბერია 1999-ის კაპიტანმა, გიორგი ჯინჯოლავამ პრესკონფერენციაზე შეფასებები გააკეთა.

"ჩემპიონთა ლიგაზე ჩვენი პროგრამა-მინიმუმი შევასრულეთ და პირველი ეტაპი გავიარეთ. გვქონდა შეცდომები, თუმცა გავაანალიზეთ, ვიმუშავეთ და ახალ შესარჩევ რაუნდს მომზადებულები ვხვდებით.

შანსი სლოვანთანაც გვაქვს და, დარწმუნებული ვარ, ხვალ მათთვის იოლი მატჩი არ იქნება. ისინი მაღალი პრესინგით ითამაშებენ და ბურთის გაკონტროლებას შეეცდებიან, ჩვენ კი გვაქვს გეგმა, რომ ეს პრესინგი დავშალოთ და პატარ-პატარა სიურპრიზები შევთავაზოთ.

ჩვენი გუნდისა და სტაფის თითოეული წევრი კარგად იაზრებს, რამდენად მნიშვნელოვანი შეიძლება იყოს ამ შეხვედრაში გამარჯვება.

ამდენი ხნის შემდეგ შანსია, ქართული კლუბი ევროტურნირის ჯგუფში შევიდეს, ამიტომ გულშემატკივარს მოვუწოდებ, რომ მოვიდეს და მხარი დაგვიჭიროს, ჩვენთვის ეს ძალიან ბევრს ნიშნავს", - აღნიშნა ჯინჯოლავამ.

იბერია 1999-ისა და სლოვან ბრატისლავას მატჩი 21 ივლისს, 20:00 საათიდან, მიხეილ მესხის სახელობის სტადიონზე გაიმართება. ბილეთების ფასი 10 ლარიდან იწყება და აქ იყიდება. პირდაპირი რეპორტაჟი Silk უნივერსალი-ზეა.

ცნობისთვის, სლოვანთან გამარჯვების შემთხვევაში, იბერიელთა მეტოქე მომდევნო ეტაპზე შვედურ მიალბისა და გიბრალტარულ ლინკოლნს შორის გამარჯვებული იქნება, ხოლო მარცხის შემთხვევაში, თბილისური გუნდი ევროპა ლიგის მე-3 საკვალიფიკაციო ეტაპზე გადაინაცვლებს და ჩრდილო ირლანდიურ ლარნესა და სერბულ ცრვენა ზვეზდას შორის დამარცხებულს დაუპირისპირდება.

"ჯგუფში მოსახვედრად ისტორიული შანსია" - დემჩენკოს პრესკონფერენცია