საქართველოს ნაკრებმა ძიუდოს ევროპის ჩემპიონატი ტრიუმფალურად დაასრულა და გუნდურ ჩათვლაში პირველი ადგილი დაიკავა.
ლაშა გუჯეჯიანის გუნდმა 4 ოქროს, 2 ვერცხლისა და 1 ბრინჯაოს მედალი მოიპოვა, რითაც ყველა ნაკრებს აჯობა და საუკეთესო შედეგი აჩვენა. საბოლოო შედეგები ასეთია:
1. საქართველო - 4 ოქრო, 2 ვერცხლი, 1 ბრინჯაო;
2. საფრანგეთი - 2 ოქრო, 4 ვერცხლი, 6 ბრინჯაო;
3. რუსეთი - 2 ოქრო, 1 ვერცხლი, 4 ბრინჯაო;
4. იტალია - 2 ოქრო, 2 ბრინჯაო;
5. ისრაელი - 1 ოქრო, 1 ვერცხლი, 1 ბრინჯაო.
შეგახსენებთ, რომ თბილისში გამართულ ევროპის ჩემპიონატზე, ოქროს მედალი ეთერ ლიპარტელიანმა (-57 კგ.), ლაშა შავდათუაშვილმა (-73 კგ.), ლუკა მაისურაძემ (-90 კგ.) და გურამ თუშიშვილმა (+100 კგ.) მოიგეს, ვერცხლის მედალს გიორგი სარდალაშვილი (-60 კგ.) და ტატო გრიგალაშვილი (-81 კგ.) დაეუფლნენ, ხოლო ილია სულამანიძემ (-100 კგ.) ბრინჯაოს მედალი დაისაკუთრა.
ისტორიაში პირველად! - ნაკრებმა ევროზე ახალი პირადი რეკორდი დაამყარა
