ცარუკიანი მის მომავალ ბრძოლაზე სკანდალურ პროგნოზს აკეთებს

არმან ცარუკიანი 15 სექტემბერს ლოს-ანჯელესში გასამართ UFC 331-ის ტურნირზე მაურისიო რუფისთან დაპირისპირებისთვის ემზადება.

ცარუკიანმა მომავალი ბრძოლის შესახებ საკმაოდ მკაფიო პროგნოზი გააკეთა. მსუბუქი წონის ერთ-ერთმა საუკეთესო პრეტენდენტმა ცნობილ სტრიმერ N3on-თან ლაივსტრიმის დროს აღნიშნა, რომ ამ შეხვედრაში გამარჯვება მისთვის სატიტულო შანსის მოსაპოვებლად გადამწყვეტი ნაბიჯია.

ცარუკიანის თქმით, ხუთრაუნდიანი დაპირისპირება ბოლომდე არ გასტანს და ის მეტოქის ნაადრევად დამარცხებას გეგმავს. მებრძოლმა დამაჯერებლად განაცხადა, რომ ორთაბრძოლა მესამე რაუნდში ტექნიკური ნოკაუტით დასრულდება, რა დროსაც ის აქტიურად გამოიყენებს იდაყვებს და მეტოქეს სახის არეში მძიმე დაზიანებებს მიაყენებს.

აღნიშნული ბრძოლა ღონისძიების თანამთავარი მოვლენა იქნება და მისი გამარჯვებული 2027 წელს მსუბუქი წონის მოქმედ ჩემპიონთან, ჯასტინ გეიჯისთან ტიტულისთვის ბრძოლის უფლებას მიიღებს.