უსმან ნურმაგომედოვმა, რომელიც ამჟამად PFL-ის მსუბუქი წონის ჩემპიონია და თავისუფალი აგენტის სტატუსით სარგებლობს, UFC-ის ტოპ მებრძოლები მკაცრად გააკრიტიკა.
თავის ბოლო ინტერვიუში მან აღნიშნა, რომ UFC-ის რეიტინგის მოწინავე ადგილებზე მყოფი სპორტსმენები მხოლოდ ერთმანეთს ებრძვიან და რეალურად წინ არ მიიწევენ.
ნურმაგომედოვმა კონკრეტული მებრძოლებიც მიმოიხილა. პიმბლეტზე მან განაცხადა:
პიმბლეტი 37 წლის ვეტერან ჯასტინ გეიჯისთან დამარცხდა.
არმან ცარუკიანზე:
ცარუკიანმა გამროტთან და ისლამთან წააგო. წელიწადში ერთხელ ჩხუბობს და ამბობს, რომ მსოფლიოს საუკეთესო მებრძოლია. სანამ მან ორი ბრძოლა გამართა, მე ოთხი ტიტული დავიცავი.
ილია თოფურიაზე:
ილია თოფურია, რომელიც საკუთარ თავს აქებდა, დამარცხდა, სკამზე ჩამოჯდა და თქვა: „არ ვაგრძელებ“.
აღსანიშნავია, რომ დაუმარცხებელი მებრძოლი (22-0) ამჟამად PFL-თან ექსკლუზიური მოლაპარაკებების ფაზაშია და, მისი თქმით, ორგანიზაციის მიერ შეთავაზებული 2 მილიონიანი ჰონორარი თითო ბრძოლაზე უარყო.
შერეული საბრძოლო ხელოვნების გულშემატკივრები მოუთმენლად ელოდებიან, გადაინაცვლებს თუ არა ნურმაგომედოვი უახლოეს მომავალში UFC-ში.
