საფრანგეთის ლიგა 1-ის 26-ე ტურში, ქართველების მეცმა ტულუზთან შინ 3:4 წააგო. 3-დან 2 გოლში მონაწილეობა ჩვენებმა მიიღეს.
30-ე წუთზე, გიორგი წიტაიშვილმა ნათან მბალას საგოლე გადაცემა გაუკეთა და ანგარიში 1:2 გახდა, 88-ე წუთზე კი უკვე გიორგი აბუაშვილმა გაიტანა და ტაბლოზე 3:3 ააციმციმა, თუმცა დარჩენილ დროში ტულუზმა კიდევ ერთი გოლი შეაგდო და 3 ქულა დაიტოვა.
აბუაშვილმა მიმდინარე ჩემპიონატში მე-2 გოლი მიითვალა, ხოლო წიტაიშვილისთვის მე-4 საგოლე მოქმედებაა - 2 გოლი და 2 ასისტი.
რაც შეეხება მეცის მე-3 ქართველ გიორგი ქვილითაიას, იგი გუნდის განაცხადში არ ყოფილა.
26 ტურის შემდეგ, მეცს 13 ქულა აქვს, ბოლო ადგილზეა და გადასარჩენი პლეი-ოფის ზონაში მყოფ ოსერს 6 ქულით ჩამორჩება. 22 მარტს, მე-6 ადგილოსან რენს სტუმრად შეხვდება.
