სერბეთის ქალაქ ჟრეიანინში მიმდინარე ბერძნულ-რომაული ჭიდაობის 23-წლამდელთა ევროპის ჩემპიონატზე, კობა ქარუმიძემ საპრიზო ადგილი დაიკავა.
55 კგ. წონით კატეგორიაში, 1/4 ფინალურ ბრძოლაში ქარუმიძემ ბულგარელ მეტოქეს 9:0 აჯობა, 1/2 ფინალში კი აზერბაიჯანელ ფარიდ სადიხლისთან თანაბარ შეხვედრაში (3:3) წააგო და ბრინჯაოს მედლისთვის ასპარეზობაში გადაინაცვლა.
მე-3 ადგილისთვის, ქართველმა რუმინელ დენის ფლორინ მიჰაის აჯობა, ბრინჯაოს მედლის მფლობელი გახდა და ნაკრებს გათამაშებაზე პირველი მედალი მოუტანა.
