სერბეთის ქალაქ ჟრეიანინში მიმდინარე ბერძნულ-რომაული ჭიდაობის 23-წლამდელთა ევროპის ჩემპიონატზე, თემურ ორჯონიკიძემ საპრიზო ადგილი დაიკავა.
77 კგ. წონით კატეგორიაში, ორჯონიკიძემ პირველივე შეხვედრა წააგო, თუმცა რეპეშაჟიდან ბრინჯაოს მედლისთვის ბრძოლის უფლება მოიპოვა.
მე-3 ადგილისთვის დაპირისპირებაში, ქართველმა ბელარუს კირილ ვალუესკის 8:6 მოუგო და ჩვენს ნაკრებს რიგით მე-2 მედალი მოუტანა.
ორჯონიკიძემდე, ასევე ბრინჯაოს მედალს კობა ქარუმიძე (55 კგ.) დაეუფლა.
