მოულოდნელი წაგება - ბორჯღალოსნები რაგბი ევროპის ფინალში პორტუგალიასთან დამარცხდნენ

საქართველოს მორაგბეთა ნაკრები, რაგბი ევროპის ფინალურ მატჩში, პორტუგალიასთან დამარცხდა და ვიცე-ჩემპიონის სტატუსი მიიღო.

ბორჯღალოსნებმა პირველი ტაიმი 12:3 მოიგეს, თუმცა მეორე ნახევარში მეტოქემ მოუმატა და გადამწყვეტი უპირატესობის მოპოვებაც შეძლო. საბოლოოდ, პირენეელებმა 19:17 გაიმარჯვეს.

ჩვენი გუნდისგან ლელო გორგაძემ, სპანდერაშვილმა და ჯალაღონიამ დადეს, აბჟანდაძემ კი მხოლოდ ერთი მათგანი გარდასახა. 

ფინალში მარცხის შედეგად, საქართველომ რაგბი ევროპის ვიცე-ჩემპიონის სტატუსი მეექვსედ მიიღო (ჩემპიონი 17-ჯერ გახდა).

რაც შეეხება პორტუგალიის ნაკრებს, მისთვის ამ ტურნირზე მე-2 ტრიუმფია - პირველი ჩემპიონობა 2004 წელს იზეიმეს.