ეროვნული ლიგის აპრილის თვის საუკეთესო ფეხბურთელად იბერიას შემტევი, ამირან ძაგანია დაასახელეს.
იბერიელთა 24 წლის თავდამსხმელმა თვის განმავლობაში ჩატარებული 6-დან 4 მატჩში გაიტანა - ბოლო 4 ტურში ზედიზედ (მეშახტესთან, დინამო ბათუმთან, სპაერთან და რუსთავთან).
ძაგანია იბერიამ 2025 წლის იანვარში ვიტ ჯორჯიადან დაიმატა და სეზონის პირველი ნახევარი მეტწილად იბერია 2-ში ათამაშებდნენ (17 მატჩში 4 გოლი), ზაფხულის შემდეგ კი მთავარ გუნდში დააწინაურეს და ჩემპიონობაში წვლილი 8 საგოლე მოქმედებით შეიტანა - 7 გოლი, 1 ასისტი (20 ტურში).
9 ტურის შემდეგ, ძაგანიას გუნდი კვლავ ეროვნული ლიგის ლიდერია, თუმცა, ბოლო ტურში მარცხის გამო, კონკურენტები მიუახლოვდნენ და ახლა მხოლოდ 1-ქულიანი უპირატესობაღა აქვს.
თბილისური გრანდი მომდევნო ტურში, 2 მაისს, სტუმრობს ტყიბულის მეშახტეს, რომელსაც განვლილ 9 ტურში 7 ფრე აქვს ნათამაშები (მათ შორის, ბოლო 5 ზედიზედ).
აპრილის საუკეთესო - ეროვნულ ლიგაში რუსთავის მწვრთნელი გამოარჩიეს
