არსენალის ლეგენდას, რობერტ პირესს მიაჩნია, რომ მიკელ არტეტას გაშვება ემუქრება.
„მე მგონია, რომ თუ ამ სეზონში გუნდი ჩემპიონი ვერ გახდება, ხელმძღვანელობა მწვრთნელის შეცვლაზე სერიოზულად დაფიქრდება. ის გუნდში უკვე ხუთი წელია მუშაობს, მაგრამ ტიტული, სამწუხაროდ, სულ ხელიდან უსხლტდება.
გულშემატკივრებისთვის პრემიერ ლიგაა მთავარი, მითუმეტეს რომ კლუბმა ამ ზაფხულს დიდი ფულიც დახარჯა. მწვრთნელის მხრიდან გარკვეული მოთხოვნები იყო და ხელმძღვანელობამ ისინი დააკმაყოფილა.
თუ არსენალი ჩემპიონი ვერ გახდება, მე ვფიქრობ, რომ სამწვრთნელო სკამზე ნამდვილად გველის ცვლილებები." - აღნიშნა ფრანგმა ექს-ფეხბურთელმა.
შეგახსენებთ, რომ ბოლო სამი წელია, არსენალი პრემიერ ლიგაში მე-2 ადგილს იკავებს, პირველ ორ შემთხვევაში გუნდმა პირველობა სიტის დაუთმო, შარშან კი - ლივერპულს.
