The Athletic-ის ჟურნალისტი დევიდ ორნშტეინი მანჩესტერ სიტისა და პეპ გვარდიოლასთან დაკავშირებით საინტერესო ინფორმაციას ავრცელებს.
წყაროს ცნობით, ჩელსის მთავარი მწვრთნელი ენცო მარესკა იმ კანდიდატებს შორის მაღალ პოზიციაზეა მოხსენიებული, რომლებსაც მანჩესტერ სიტი იმ შემთხვევაში განიხილავს, თუ პეპ გვარდიოლა მომავალ ზაფხულს ეტიჰადს დატოვებს.
კლუბის გარეთ არსებული არაერთი სანდო წყაროს ინფორმაციით, სულ უფრო იზრდება მოლოდინი, რომ ეს სეზონი შესაძლოა გვარდიოლასთვის სიტიში ბოლო იყოს. საბოლოო გადაწყვეტილება, სავარაუდოდ, ჩემპიონატის დასრულების მოახლოებისას იქნება მიღებული.
ამავდროულად, სიტი აქტიურად ამუშავებს სარეზერვო გეგმებს იმ შემთხვევისთვის, თუ ეს სცენარი რეალობად იქცევა.
მანამდე კლუბში როგორც ახალგაზრდულ, ისე ძირითად გუნდში მუშაობის გამოცდილების გამო, მარესკას ხელმძღვანელობაში მყოფ წრეებში თაყვანისმცემლები ჰყავს და თუ ვაკანსია გაჩნდება, მოსალოდნელია, რომ ის ერთ-ერთ მთავარ კანდიდატად განიხილონ, თუმცა იტალიელი ერთადერთი პრეტენდენტი არ იქნება.
ახალი ხელშეკრულების წყალობით, რომელიც 2024 წლის ნოემბერში გაფორმდა, გვარდიოლას კონტრაქტი მანჩესტერ სიტისთან 2027 წლის ივნისამდეა ძალაში.
ეს ორივე მხარეს დროს აძლევს, თანაც ისტორიულად 54 წლის სპეციალისტს მომავალზე გადაწყვეტილების მიღება საკმაოდ გვიან უყვარს.
The Athletic-ს არ მიუღია არანაირი მინიშნება, რომ სიტის წინააღმდეგ წაყენებულ 100-ზე მეტ ბრალდებას, რომელთაც კლუბი კატეგორიულად უარყოფს, რაიმე გავლენა აქვს გვარდიოლას მდგომარეობაზე.
