უეფას სამსაჯო კომიტეტმა აღიარა, რომ ევროპის ჩემპიონატზე გერმანიისა და ესპანეთის მატჩში მარკ კუკურელიას ხელით თამაშის გამო თერთმეტმეტრიანი უნდა დანიშნულიყო.
კომიტეტმა საერთაშორისო მსაჯებს შეატყობინა, რომ შეცდომა დაფიქსირდა და აღნიშნულ სიტუაციაში პენალტი იყო.
მომენტი ორგანიზაციის ბოლო შეკრებისას განიხილეს, რომელიც პერიოდულად ევროპულ მატჩებს აანალიზებს, რათა მსაჯებისთვის მსგავსი ტიპის სიტუაციებში გადაწყვეტილების მისაღები კრიტერიუმები გაიცეს.
დოკუმენტში წერია: "უეფას ბოლო გაიდლაინების მიხედვით, ხელის ბურთთან კონტაქტი, რომელიც კარისკენ მიმავალ დარტყმას აჩერებს, უნდა დაისაჯოს უფრო მკაცრად და უმრავლეს შემთხვევაში დაინიშნოს პენალტი, გარდა იმ შემთხვევისა, როცა მცველის ხელი ძალიან ახლოსაა ტანთან ან ეხება ტანს.
კუკურელიას შემთხვევაში, მცველი აჩერებს კარისკენ მიმავალ დარტყმას ხელით, რომელიც ტანთან ახლოს არ არის და ზრდის სხეულის ფართობს, ამიტომ პენალტი უნდა დაინიშნოს."
აღნიშნული მომენტი ევრო 2024-ის 1/4 ფინალურ მატჩში მოხდა, სადაც ესპანეთის ნაკრებმა გერმანია დამატებით დროში 2-1 დაამარცხა და საბოლოოდ ევროპის ჩემპიონიც გახდა.
![სერხიო რამოსი - გული, ხასიათი, გატაცება [ნაწილი 2]](/_next/image?url=https%3A%2F%2Farena-next-prod-s3public-hkdwvema.s3.eu-central-1.amazonaws.com%2F69c5cc22-b96d-4456-ad42-cc235cf6528e&w=3840&q=75)
