UFC 333-ზე აბუ დაბიში გამართულმა მერაბ დვალიშვილისა და პიოტრ იანის ტრილოგიამ გულშემატკივრებთან ერთად თავად მებრძოლებზეც უდიდესი შთაბეჭდილება მოახდინა.
მიუხედავად იმისა, რომ ქართველი სპორტსმენი მსაჯების ერთსულოვანი გადაწყვეტილებით დამარცხდა და რუსმა ჩემპიონის ქამარი დაიცვა, დაპირისპირების სანახაობრივი მხარე შეუმჩნეველი არავის დარჩენია.
ამ ჩხუბს UFC-ის ლეგენდარული მებრძოლი, ხორხე მასვიდალიც გამოეხმაურა. მან ოქტაგონზე გაჩაღებულ ომს შთამბეჭდავი უწოდა და აღნიშნა, რომ სპორტსმენებმა ერთმანეთს უპირატესობის ერთი ინჩიც კი არ დაუთმეს. მასვიდალის შეფასებით, საკუთარი ოსტატობით ორივე მათგანი დანარჩენ კონკურენტებს საგრძნობლად უსწრებს.
ვეტერანმა მებრძოლმა დაპირისპირების სიმძიმესაც გაუსვა ხაზი. მისი აზრით, მერაბმა და პიოტრმა ერთმანეთს ბევრი რამ წაართვეს და ეჭვობს, რომ ამ უმძიმესი ჩხუბის შემდეგ ისინი ძველებურ ფორმას შეინარჩუნებენ. თუმცა, მასვიდალმა იუმორნარევი ტონით დასძინა, რომ ამ წარმოუდგენელი სანახაობის კიდევ ერთხელ ხილვას დიდი სიამოვნებით ისურვებდა.
