ომალიმ ილია თოფურიას დასცინა და მერაბის მომავალზე ისაუბრა

UFC 333-ზე მერაბ დვალიშვილის მარცხს, სადაც მან პიოტრ იანთან საჩემპიონო ქამარი ვერ დაიბრუნა, მებრძოლებს შორის საინტერესო დისკუსია მოჰყვა.

ილია თოფურია ინსტაგრამის პირდაპირ ეთერში ადევნებდა თვალს დაპირისპირებას და მსაჯების მიერ დაფიქსირებული 48-47 შედეგით გაოგნებული დარჩა, რასაც შონ ომალის მხრიდან დაცინვა მოჰყვა.

ამერიკელმა ელ მატადორის პროტესტს ირონიულად უპასუხა და ჯასტინ გეიჯისგან მიღებული ძლიერი დარტყმა შეახსენა. ომალის თქმით, მიუხედავად იმისა, რომ თოფურია მერაბის მეგობარია და მიკერძოებულია, ეს ორთაბრძოლა პიოტრ იანმა დამსახურებულად მოიგო.

გარდა ამისა, ამერიკელმა მებრძოლმა მერაბ დვალიშვილის მომავალზეც ისაუბრა. ომალის ვარაუდით, სონგ იადონგთან 3-რაუნდიანი დაპირისპირება ქართველისთვის ძალიან სახიფათო იქნება, რადგან ის ფეთქებადი სპორტსმენია, რომლის წინააღმდეგაც თეიქდაუნის შესრულება ურთულესია. მან დასძინა, რომ უსწრაფესი რეაქციის წყალობით, იადონგს მერაბის დანოკაუტებაც კი შეუძლია.