2027 წლის 30 იანვარს UFC კანადის ქალაქ ტორონტოში დაბრუნდება.
ოფიციალურად გამოცხადდა ორი გამორჩეული დაპირისპირება, რომლებიც UFC 336-ის მთავარი მოვლენები იქნება.
უკვე წელიწადზე მეტია, ჯოშუა ვანი და მანელ კაპე ერთმანეთს ბრძოლისთვის თავის არიდებაში ადანაშაულებენ.
ახლა კი უკან დასახევი გზა აღარ არსებობს, ისინი UFC 336-ის მთავარ ბრძოლაში საჩემპიონო ქამრისთვის დაუპირისპირდებიან ერთმანეთს.
უმსუბუქესი წონის 24 წლის ჩემპიონმა ჯოშუა ვანმა ტაცურო ტაირა და ალეშანდრე პანტოჟა დაამარცხა და დაამტკიცა, რომ მისი ჩემპიონობა შემთხვევითობა არ არის.
თავის მხრივ, მანელ კაპემ ბრენდონ როივალი და კიოჯი ჰორიგუჩი ნოკაუტით დაამარცხა და საჩემპიონო ბრძოლის უფლება მოიპოვა.
დივიზიონის ორი ახალგაზრდა და განსაკუთრებით სახიფათო სტრაიკერი ერთმანეთს დაუპირისპირდება. სასწორზე არა მხოლოდ ჩემპიონის ტიტული, არამედ მათი ხანგრძლივი დაპირისპირების საბოლოოდ გარკვევაც დევს.
უკვე რამდენიმე თვეა, ქვესაშუალო წონის დივიზიონში ერთ კითხვაზე მსჯელობენ: კარლოს პრატესი თუ მაიკლ მორალესი? ახლა ამ კითხვას პასუხს თავად მებრძოლები გასცემენ.
33 წლის კარლოს პრატესმა ორი ყოფილი ჩემპიონი, ლეონ ედვარდსი და ჯეკ დელა მადალენა, დამაჯერებლად დაამარცხა.
27 წლის მაიკლ მორალესი კი კარიერაში დაუმარცხებელია. მისი პროფესიონალური რეკორდი 19-0-ია, UFC-ის ოქტაგონზე კი შვიდივე ბრძოლა მოგებული აქვს.
პრატესი მანამდე აცხადებდა, რომ მორალესს მხოლოდ მას შემდეგ შეხვდებოდა, რაც ჩემპიონს დაამარცხებდა.
თუმცა მოვლენები სხვაგვარად განვითარდა, ისინი UFC 336-ზე ქვესაშუალო წონის დროებითი ჩემპიონის ტიტულისთვის იბრძოლებენ.
ამ დაპირისპირებაში გამარჯვებული ისლამ მახაჩევთან საჩემპიონო ბრძოლის უფლებას მოიპოვებს.
„წელიწადში ერთხელ ჩხუბობს, ასე არ შეიძლება", - დანა უაითმა UFC-ის ჩემპიონი გააკრიტიკა
