ბრაზილიის ნაკრების მთავარმა მწვრთნელმა, კარლო ანჩელოტიმ, აშშ-ში საფრანგეთთან ამხანაგურ მატჩში განცდილი მარცხის (1:2) შემდეგ, გუნდში ნეიმარის არყოფნის საკითხზე საუბარი არ ისურვა.
VIDEO: გრანდების დაპირისპირება აშშ-ში - საფრანგეთმა ბრაზილიას მოუგო
სანტოსის 34 წლის ფორვარდი ამ შეკრებაზე ეროვნულ გუნდში არ გამოუძახებიათ, თუმცა მატჩის მიმდინარეობისას ბრაზილიელი გულშემატკივრები მის სახელს სკანდირებდნენ. პრესკონფერენციაზე იტალიელ სპეციალისტს ჰკითხეს, შეცვლიდა თუ არა ნეიმარის ყოფნა მოედანზე შექმნილ სიტუაციას:
ჩვენ უნდა ვისაუბროთ იმ მოთამაშეებზე, რომლებიც აქ იყვნენ, გავიდნენ მოედანზე და ყველაფერი გაიღეს. მათ თავი გამოიჩინეს, ბევრი იშრომეს და მე კმაყოფილი ვარ. ახლა ხორვატიასთან შემდეგი თამაშისთვის მოვემზადებით.
