Under Armour-მა საფეხბურთო ბუცების ბაზარზე თავისი ახალი მოდელი, Magnetico Elite 6 წარადგინა.
მიუხედავად იმისა, რომ ბრენდი ისეთი გიგანტების წინააღმდეგ, როგორებიც ნაიკი, ადიდასი და პუმა არიან, ბაზრის ლიდერობისთვის ნაკლებად იბრძვის, მან მოახერხა და შექმნა ნიშა ფეხბურთელებისთვის, რომლებიც აფასებენ უმაღლეს კონტროლს, თანმიმდევრულობასა და, უპირველეს ყოვლისა, კომფორტს.
ახალი მოდელის ცენტრში Under Armour-ის ინოვაციური Liquid Clone ზედაპირია, რომელიც შექმნილია იმისთვის, რომ ფეხის ფორმას სრულყოფილად მოერგოს. Magnetico Elite 6 პრიორიტეტს მოთამაშესა და ბურთს შორის სრულყოფილ და კომფორტულ კავშირს ანიჭებს.
დიზაინში მნიშვნელოვანი ცვლილებებია შეტანილი: წარადგინეს განახლებული, შერბილებული ძირის სისტემა, რომელიც ამცირებს წნევას კოჭებზე და იდეალურია 90 წუთიანი ინტენსიური მატჩებისთვისა და ხანგრძლივი ვარჯიშებისთვის. ასევე, ქუსლის არეში არსებული ფიქსატორი და მოქნილი ცხვირი უზრუნველყოფს, რომ ბოტასი ფეხს იდეალურად მოერგოს კომფორტის დაკარგვის გარეშე.
