დღეიდან US Open-ის 2026 წლის გათამაშების საკვალიფიკაციო ეტაპი იწყება - მასში 3 ქართველი იღებს მონაწილეობას.
საქმეში პირველს ვნახავთ მარიამ ბოლქვაძეს, რომელიც 22 წლის ერიკა ანდრეევას შეხვდება - თამაში 19:00 საათიდან იწყება. ფავორიტად ანდრეევა ითვლება - ის WTA-ის რეიტინგის 214-ე ნომერია, ბოლქვაძეს ტრავმები აწუხებდა და ახლა 418-ე გახლავთ.
ღამის დაახლოებით 01:00 საათიდან ითამაშებს ეკო გორგოძე (161-ე ნომერი), რომელიც პოლონელ კატარჟინა კავას (129-ე ნომერი) დაუპირისპირდება. მცირე ფავორიტი ამ თამაშშიც ქართველის მეტოქეა.
ხვალ ვიხილავთ კორტზე ნიკოლოზ ბასილაშვილს - ATP-ის რეიტინგის 132-ე ნომერი ბასილაშვილი ურეიტინგო სამხრეთ კორეელ სეონჩან ჰონს შეხვდება. თამაშის დაწყების ზუსტი დრო დღევანდელი სათამაშო დღის დასრულების შემდეგ გამოცხადდება.
