უშლის რონალდუ ახალ თაობას ხელს?

ყოფილი პრემიერლიგელი თავდამსხმელი კრის სატონი პორტუგალიის ნაკრების მთავარ მწვრთნელს, რობერტო მარტინესს თავს დაესხა და კრიშტიანუ რონალდუზე მის დამოკიდებულებას სამარცხვინო უწოდა.

ექსპერტის აზრით, მარტინესი პორტუგალიის ნიჭიერ თაობას ხელოვნურად აფერხებს, რადგან 41 წლის ვარსკვლავს მოედანზე ყველა მატჩის ყოველ წუთს ტოვებს და მის შეცვლაზე უარს აცხადებს.

სატონმა BBC Sport-თან ინტერვიუში აღნიშნა, რომ პორტუგალიას უამრავი შემტევი ტალანტი ჰყავს, თუმცა მწვრთნელი ერთი ფეხბურთელის კაპრიზებს აჰყვა, რაც გუნდს აზარალებს.

კრიტიკის მიუხედავად, ექსპერტი მიიჩნევს, რომ პორტუგალია 1/16 ფინალში ხორვატიის დაბერებულ ნაკრებს მაინც დაამარცხებს (1:0), გამარჯვების გოლს კი, ირონიულად, სწორედ რონალდუ გაიტანს. ხორვატიასთან მატჩი კვირას ტორონტოში გაიმართება და მარცხის შემთხვევაში მარტინესს პოსტის დატოვება მოუწევს.