"უსიკი-დუბუას ღონისძიებაზე" - გურულმა მომდევნო ბრძოლა დააანონსა

ლაშა გურულმა თავისი მომდევნო ბრძოლის შესახებ ინფორმაცია გაავრცელა.

"შემდეგი ჩემი ბრძოლა Usyk vs Dubois ივენთზე. ივენთი გაიხსნება ჩემი ბრძოლით. 19 ივლისი, ლონდონი. ოპონენტის ვინაობას ახლო მომავალში გავიგებთ." - წერს ქართველი მოკრივე სოციალურ ქსელში.

შეგახსენებთ, რომ ოლიმპიური ბრინჯაოს პრიზიორის პროფესიონალური დებიუტი მარტში შედგა, რომელიც მისი გამარჯვებით დასრულდა.

ოლექსანდრ უსიკი და დანიელ დუბუა ერთმანეთს მეორედ დაუპირისპირდებიან - ამჯერად სასწორზე მძიმე წონის აბსოლუტური ჩემპიონობა იდება. 

ღონისძიება 19 ივლისს, ლონდონში უემბლის სტადიონზე გაიმართება.