16 აგვისტოდან 4 ოქტომბრამდე 2025 წლის რაგბის ჩემპიონატი (4 ერი) გაიმართება, რომელიც მეთოთხმეტედ შედგება.
ტურნირზე მონაწილეობას სამხრეთ ჰემისფეროს 4 საუკეთესო გუნდი - არგენტინა, ავსტრალია, ახალი ზელანდია და სამხრეთ აფრიკა იღებენ.
ცნობილი გახდა თუ რომელი მსაჯები იმუშავენ მატჩებზე და მათ შორის არის ნიკა ამაშუკელიც, რომელსაც სამ მატჩზე მუშაობის პატივი ერგო.
6 სექტემბერს, ახალი ზელანდია არგენტინას უმასპინძლებს, მთავარი მსაჯი კარლ დიქსონი იქნება, ასისტენტები კი - ნიკა ამაშუკელი და ჯორდან უეი.
13 სექტემბერს, ახალი ზელანდია სამხრეთ აფრიკას დაუხვდება, რომლის მთავარი არბიტრიც უკვე ქართველი იქნება, მას კი ასისტენტობას ანგუს გარდნერი და ჯორდან უეი გაუწევენ.
4 ოქტომბერს, არგენტინა სამხრეთ აფრიკას დაუპირისპირდება, რომელსაც ანდრეა პიარდი განსჯის, ნიკა ამაშუკელი და კრისტოფ რიდლი კი ასისტენტის როლს მოირგებენ.
