,,ვამაყობ, რომ კლუბის ბომბარდირი გავხდი" - მიქაუტაძემ სეზონი შეაჯამა

გიორგი მიქაუტაძემ სოციალურ ქსელში პოსტი გამოაქვეყნა და ვილიარეალში გატარებული სადებიუტო სეზონი შეაჯამა.

,,გუშინ სახლში ბოლო ცეკვა შედგა… და დიდი გამარჯვებით დასრულდა. 25/26 სეზონის წერტილი.

პირველი სეზონი ლა ლიგაში, რომელსაც არასდროს დავივიწყებ.

შესანიშნავი მე-3 ადგილი, ძალიან ძლიერი მომენტები, დაუვიწყარი ემოციები და, რაც მთავარია, განსაკუთრებული გუნდი - გაერთიანებული პირველი დღიდან ბოლომდე.

ვამაყობ იმითაც, რომ ამ სეზონში ლა ლიგაში კლუბის საუკეთესო ბომბარდირი გავხდი. დიდი პატივია ამ მაისურის დაცვა.

მადლობა მწვრთნელ მარსელინოს და მის მთელ სამწვრთნელო შტაბს ნდობისთვის და იმ დიდი სამუშაოსთვის, რაც ამ სეზონში გასწიეთ.

განსაკუთრებული მადლობა ასევე დანი პარეხოსა და ალფონსო პედრასას. მადლობა ყველაფრისთვის, რაც ამ კლუბსა და გასახდელს შესძინეთ. დიდი პატივი იყო თქვენთან ერთად ამ სეზონის გაზიარება. მომავალში საუკეთესოს გისურვებთ.

და უზარმაზარი მადლობა თქვენ, გულშემატკივრებს. მადლობა საოცარი მხარდაჭერისთვის, სიყვარულისთვის და იმ განსაკუთრებული მიღებისთვის, რომელიც პირველივე დღიდან მაჩუქეთ. თქვენ ეს სეზონი კიდევ უფრო ლამაზი და განსაკუთრებული გახადეთ.

შემდეგ სეზონში კიდევ უფრო დიდი ამბიციებით დავბრუნდებით. და ყველაფერს გავაკეთებთ, რომ კიდევ უფრო დიდი ევროპული ღამეები და კიდევ უფრო ძლიერი ემოციები გაჩუქოთ ჩემპიონთა ლიგაზე.

წინ, ყვითლებო." - წერს ქართველი თავდამსხმელი.

ლა ლიგის სეზონის ბოლო მატჩის შემდეგ, რომელშიც ვილიარეალმა ატლეტიკო 5-1 გაანადგურა, გიორგი მიქაუტაძეს, როგორც ვილიარეალის საუკეთესო ბომბარდირს ამ სეზონში, კლუბმა ოქროს ბუცი გადასცა.

რომელ ადგილზე გავიდა მიქაუტაძე ლა ლიგის ბომბარდირებში?